【番工切忌窮忙】
以前讀書覺得工作係代表夢想、抱負等，
到六年後今日，我明白唔好將事情諗得太複雜
不如back to basic，唔好將工作諗得太崇高，
番工好簡單：一係就求開心，一係就求薪金。
搵到自己興趣，實現到自己夢想，有班好同事
呢種工作係求開心，人工低少少都可以用開心填滿。
另一種係求高薪，薪高糧準，搵到錢可以有更好生活，
番工唔係去識朋友，目標明確，我番工係為咗賺錢。
兩種取態都係正常不過，沒有誰比誰更高崇
如果有人可以兩者兼得自然fatfat。
（不過做人都切忌得一想二，又想人工高又想輕輕鬆鬆
咁大貪真係幫你唔到。試下下世apply富二代可能做到）
但有種人係會兩者都得唔到，簡稱：窮忙。
人工比同齡朋友低，做幾年人工加幅追唔到通漲
每日番工渾渾噩噩，同同事唔夾，上司係賤人
每朝起身都好似上刑場咁，搵埋啲錢都唔夠睇心理醫生。
我無誇張，真係有呢種人，而且都幾多。
或者係因為懶搵工/唔敢跳出comfort zone/無信心等等
佢哋工作嘅意義只係為勉強維持生存，
到幾年後睇住戶口餘額回望，唔知被折磨幾年為緊咩。
工作切忌窮忙。
又無錢又唔開心，what is the point？
就如拍拖一樣，一係求愛情一係求麵包
兩樣都無就真係戇鳩鳩唔知做乜鳩。
兩個人無愛情又無生活，一齊累鬥累互相消磨。
除咗虛耗光陰同青春之外，真係毫無建設性。
做人都係唔好將所有野諗得太複雜
只需要認清自己目的同方向，就無咩好煩惱
最怕係啲人將事情美化得太多，為自己搵太多藉口
分手、轉工明明兩樣簡單事情，都變到錯綜複雜。
窮忙，一律建議辭職。
無愛，一律建議分手。
法官大人，我無野補充。
喜歡我的文字，請支持我的Patreon：
https://www.patreon.com/hkgirlfriend
**收入會將一半捐出支援被捕人士。
IG：@hkgirlfriend
FB：港女友
Search